-久保2.0-
「其實你而家算係久保2.0」女神一邊繪畫着她最新的珠寶設計一邊自言自語說。我心想：因乜解究女神會搬出Philip Kotler的理論？「你唔覺得而家嘅你係第二個時期或者係第二個階段嘅久保咩？仲唔係進化到2.0？」女神繼續說。當下我立即像一個小學生那般，搬着椅子，坐在女神的面前托住頭用一個大惑不解嘅眼神望着她，似在乞求她繼續說下去。
女神終於放下畫筆捉着我的手說：「2017年，你做到好多張大單，交六位數字稅，個Page又慢慢開始多人Follow，你彷彿去到人生嘅一個高點，你意氣風發，開始慢慢忙，我唔知道你有冇忘記初心，但我好肯定你唔會好似開始做獵頭咁樣，咁勤力、咁努力一個星期見20個Candidates，你會選擇性咁樣去見一啲你覺得值得見嘅人，你會揀Job來做；你開始帶人，你開始捽人，你開始鬧人；你開始好多工作以外嘅應酬，開始寫文，開始接廣告，開始忘記你係一個獵頭。當時嘅你好成功，算係事業上嘅一個高峰，開始多人認識，算唔算久保1.0？」...
See More
Search